354               TESTAMENTS ENREGISTRÉS AU PARLEMENT DE PARIS            (594)
le dit Estiennot, s'il est present, soit principal, et ou cas que l'un d'eulx ne tous deux ensemble n'y pourroient entendre, Jehan de Baudribosc soit principal, et avecques lui le dit Jehan de Bresmes ne puisse rien faire sans appeller l'un, ou deux ou tous ensemble dessus nommez.
Item, je prie et requier amiablement à vénérables et discrètes per­sonnes, maistres Jehan de Nanterre, doyen de l'eglise collégial Saint Marcel, et Guillaume de Gy, et religieuses et honnestes personnes, freres Jehan Soubaud, prieur de l'Ospital lez Corbueil, et Gilbert Pouchet, commandeur de Montdidier, que de leur grace il leur plaise aider, conseiller et conforter les dessus nommez executeurs en l'execucion de ce present testament, en leur donnant conseil, confort et aide à faire et acomplir la dicte execucion.
Item, je prie à mes executeurs qu'ilz contentent bien et loyaument mes serviteurs de leurs salaires, si comme il appert par cédule, sauf tant qu'i n'y a point eu de cédule faicte par Guillemin, mais il scet bien qu'il doit gaignier six frans, et si scet bien combien il a qu'il vint demourer avecques moy, auquel je laisse ung franc, oultre ce qu'il puet avoir gaiguié tant comme il y a esté; et à Richart oultre son salaire je laisse deux frans, età maistre Guillaume, qui disoit ses Heures avecques moy et avoit la charge de ma despense, trois frans ou ma houppellande fourrée d'aigneaulx noirs, lequel qu'il aura plus chier, et à la bonne femme qui me garde, oultre son salaire qu'elle doit gaignier deux soulz pour chascun jour, ung franc; et se aucunes des personnes à qui j'ay fait aucun lais estoitdejà trespassé ou trespassoientavant que moy,je revoqué le lais à lui fait, et revoqué aussi tous autres testamens fais par moy avant ce present testament.
Et si donne puissance à chascun de mes executeurs de soubzmettre ma dicte execucion à telle court et jurisdicion, comme ilz seront con­seilliez de faire, et toutes voies, se elle est soubzmise à la court de Parlement, je supplie à la dicte court que maistre Guillaume de Gy y soit commis pour faire l'inventoire, affin qu'il se face à mentlres despens, quar j'en ay bien mestier; et se elle est soubzmise à la court de l'Eglise, je supplie à maistre Jehan Loyer, maistre des testamens,